Гази моеъ “ВАЗ-21099”-ро ба оҳанпора табдил дод
Дар пайи истифодаи нодурусти механизмҳои гази моеъ дар шимоли Тоҷикистон як сабукрави “ВАЗ-21099” оташ гирифтааст.
Аз Раёсати умури дохилии вилояти Суғд ба “Озодагон” хабар доданд, ки 16 декабр, тахминан соатҳои 16:30 дар дохили нақлиёти “ВАЗ-21099”, ки ба шаҳрванд Ҷавлон Бердиеви 30-сола, сокини шаҳраки Бӯстони ноҳияи Мастчоҳ тааллуқ дорад, сӯхтор ба амал омадааст:
“Зарари расида 11 ҳазор сомониро ташкил медиҳад” .
Манбаъ мегӯяд, иллати сар задани сӯхтор истифодаи нодурусти механизмҳои гази моеъ будааст.