Рақобати "Истиқлол" ва "Регар-ТадАЗ"-ро дар Ҷоми Тоҷикистон Додобоев доварӣ мекунад
Бозии финалӣ барои дарёфти Ҷоми Тоҷикистон миёни дастаҳои “Истиқлол” ва “Регар-ТадАЗ”-ро, ки 23 ноябр баргузор мегардад, Хуршед Додобоев доварӣ мекунад.
Тавре аз ФФТ хабар медиҳанд, пешниҳоди доварии Хуршед Додобоев дар дидори “Истиқлол” ва “Регар-ТадАЗ” аз ҷониби кумитаи назоратии ин ниҳод гирифта шудааст. Хуршед Додобоеви 33-сола соли 2006 мақоми довари сатҳи байналмиллалиро соҳиб шуд. Таҳти роҳбарии ӯ ду бозии байналмиллалии дӯстона миёни тимҳои Афғонистон-Тоҷикистон, Тоҷикистон - Ҳиндустон ва як бози миёни дастаҳои “Истиқлол” ва “Равшан” дар ҳузури президенти ФИФА Йозеф Блаттер гузаштааст.
Бозии финалӣ барои дарёфти Ҷоми Тоҷикистон соати 13:00 дар варзишгоҳи марказии пойтахт шурӯъ мешавад. Нархи чипта барои ҳамаи ҷойҳо 5 сомонӣ муқаррар шудааст.
Ҳамаи бозиҳои финалии Ҷоми Тоҷикистон (1992-2013):
1992 – “Помир” (Душанбе) – “Регар” (Турсунзода) – 1:0
1993 – “Ситора” (Душанбе) – “Равшан” (Кӯлоб) – 0:0. Пеналти – 5:3
1994 – “Равшан” (Кӯлоб) – “Шодмон” (Ҳисор) – 2:1
1995 – “Пахтакор” (Ҷаббор Расулов) – “Регар-ТадАЗ” (Турсунзода) – 0:0. Пеналти – 3:2
1996/1997 – “Вахш” (Қӯрғонтеппа) – “Хуҷанд” (Хуҷанд) – 4:0
1997/1998 – “Хуҷанд” (Хуҷанд) – “Ранҷбар” (Восеъ) – 2:1
1998 – “Варзоб” (Душанбе) – “Хуҷа Каримов” (Ғозималик) – 3:1
1999 – “Варзоб” (Душанбе) – “Регар-ТадАЗ” (Турсунзода) – 0:0. Пеналти – 4:2
2000/2001 – “Регар-ТадАЗ” (Турсунзода) – “Варзоб” (Душанбе) – 4:2
2001/2002 – “Регар-ТадАЗ” (Турсунзода) – “Хуҷанд” (Хуҷанд) – 3:1
2002 – “Хуҷанд” (Хуҷанд) – “Вахш” (Қӯрғонтеппа) – 3:0
2003 – “Вахш” (Қӯрғонтеппа) – “Олимп-Ансол” (Кӯлоб) – 3:1
2004 – “Авиатор” (Бобоҷон Ғафуров) – “Уротеппа” (Истаравшан) – 5:0
2005 – “Регар-ТадАЗ” (Турсунзода) – “Вахш” (Қӯрғонтеппа) – 1:1. Пеналти – 3:1
2006 – “Регар-ТадАЗ” (Турсунзода) – “Хима” (Душанбе) – 2:1
2007 – “Парвоз” (Бобоҷон Ғафуров) – “Хима” (Душанбе) – 1:0
2008 – “Хуҷанд” (Хуҷанд) – “Энергетик” (Душанбе) – 2:1
2009 – “Истиқлол” (Душанбе) - ССКА “Помир” (Душанбе) – 3:1
2010 – “Истиқлол” (Душанбе) – “Хуҷанд” (Хуҷанд) – 5:0
2011 – “Истиқлол” (Душанбе) – “Регар-ТадАЗ” (Турсунзода) – 0:1
2012 – “Истиқлол” (Душанбе) – “Регар-ТадАЗ” (Турсунзода) – 1:1. Пеналти – 5:6
2013 – “Истиқлол” (Душанбе) – “Регар-ТадАЗ” (Турсунзода) – 2:0