Рейтинги хайрхоҳӣ: Туркману узбакҳо аз тоҷикон хайрхоҳтаранд
Туркманистон дар як раддабандии хайриявӣ, ки ташкилоти хайриявии “Charity Aid Foundation” тартиб додааст, пешсафи Осиёи Миёна шудааст.
Ин кишвар аз миёни 135 давлат, ки дар рейтинг мавҷуданд, ҷойи 23-умро ба худ ихтисос додааст. Ин раддабандӣ сатҳи корҳои хайриявиро аз рӯйи 3 меъёр - кумакҳои молӣ ба созмонҳои хайрия, иштироки довталабонаи шаҳрвандон дар корҳои хайриявӣ ва кумак ба мардумони бегона муайян кардааст.
Туркманистон дар ин рейтинг миёни кишварҳои Осиёи Миёна пешсаф мебошад. Дар феҳрасти умумӣ Узбакистон ҷойи 28, Тоҷикистон 34, Қирғизистон 83 ва Қазоқистон 101-ро муаррифӣ мекунанд.
Аммо дар садри рейтинг Амрико қарор дорад. Мянма дар ҷойи ду ва Канада сеюманд. Ирландияву Зеландияи Нав мутаносибан зинаҳои чор ва панҷро ишғол мекунанд.