“Истиқлол” Ҷоми қаҳрамони Тоҷикистон оид ба футбол-2014-ро гирифт
Дар Душанбе маросими тақдими Ҷоми қаҳрамони Тоҷикистон оид ба футбол дар соли 2014 ба дастаи “Истиқлол” баргузор шуд.
Ин маросим рӯзи гузашта пас аз бозии даври 17-ум бо “Далерон Уротеппа”-и Истаравшан сурат пазируфт, ки мусовӣ – 1:1 анҷом ёфт.
Тақдири медалҳои нуқра ва биринҷии мусобиқот дар даври 18-ум маълум мегардад. Якшанбеи 16 ноябр, “Хайр” дар Ваҳдат бо ССКА “Помир” ва “Хуҷанд” дар Қӯрғонтеппа бо “Вахш” қувваозмоӣ мекунанд.