Рӯзҳои 17-18-уми сентябри соли равон дар ноҳияи Ховалинги вилояти Хатлон ва дар шаҳри Хуҷанди вилояти Суғд чорабиниҳои варзишӣ гузаронида мешаванд.
Тавре аз дафтари матбуотии кумитаи ҷавонон варзиш ва сайёҳӣ ба хабаргузории «Озодагон» иттилоъ доданд,дар ноҳияи Ховалинги мусобиқаи кушоди ҷумҳуриявӣ оид ба гӯштини миллӣ байни ҷавонони солҳои таваллуди 1992-1994 баргузор мегардад. Дар назар аст, дар чорабинии мазкур дастаҳои вилоёти Суғд (2 даста), Хатлон (2 даста), ВМКБ (2 даста), шаҳри Душанбе (4 даста), водии Рашт (1 даста), шаҳру навоҳии тобеи марказ (1 даста), ноҳияи Ховалинг (1 даста) ширкат намоянд.
Ҳамчунин, дар ин рӯзҳо дар толори варзишии «Ҷашнӣ»-и шаҳри Хуҷанди вилояти Суғд мусобиқаи ҷумҳуриявӣ оид ба «Ушу-санда» миёни ҷавонону калонсолон доир мегардад. Дар мусобиқа, ҳайати дастаҳои вилоятҳои Суғд, Хатлон, шаҳри Душанбе, шаҳри Турсунзода ширкат хоҳанд кард.{jathumbnail off}