Заминларзаи 5 балӣ дар Рашт... Бидуни хисорот
Маркази зилзилашиносии Тоҷикистон субҳи имрӯз, 1 октябир дар кишвар ҳолати заминҷунбиро сабт кардааст, ки иқтидори он 4-5 балро ташкил додааст.
Тавре аз ин ниҳод ба “Озодагон” иттилоъ доданд, соати 08:12 дақиқа заминларзаи 4-5 баллӣ дар минтақаи Рашт ва инчунин ларзиши 4 балӣ дар минтақаи Тавилдара ба қайд гирифта шудааст. “Маркази заминларза дар 189 километрии ҷанубу шарқи шаҳри Душанбе ва 84 километрии ҷануби Ғарм будааст",-афзуд манбаъ.
Аз Кумитаи ҳолатҳои фавқулоддаи Тоҷикистон ба “Озодагон” гуфтанд, дар пайи ин заминларзаҳо хисороти молию ҷоние ба қайд гирифта нашудааст.