Рақибони мунтахаби ҷавонони Тоҷикистон (U-22) моҳи декабр маълум мешаванд
Тими миллии ҷавонони Тоҷикистон оид ба футбол, ки аз бозигарони соли таваллуди 1993 иборат аст, дар қисмати интихобии мусобиқаи Осиё-2016 ширкат мекунад. Қуръапартоии даври интихобӣ моҳи декабр баргузор мешавад ва онҷо рақибони мунтахаби ҷавонони Тоҷикистон ҳам майян хоҳанд шуд.
Ҳоло танҳо маълум аст, ки дар даври интихобӣ 43 даста шомил буда, дар ду минтақа қувваозмоӣ хоҳанд кард. Ба минтақаи ғарбӣ 24 тим- Афғонистон, Баҳрейн, Бангладеш, Ҳиндустон, Эрон, Эроқ, Урдун, Кувейт, Қирғизистон, Лубнон, Малдив, Непал, Умон, Покистон, Фаластин, Қатар, Арабистони Саудӣ, Шри-Ланка, Сурия, Тоҷикистон, Туркманистон, Иморати муттаҳидаи Араб, Узбакистон ва Яман шомиланд. Минтақаи шарқӣ аз 20 даста - Австралия, Бруней, Камбоҷа, Чин, Тайбэйи Чин, Ҷумҳурии Корея, Ҳонконг, Индонезия, Ҷопон, Кореяи Ҷанубӣ, Лаос, Макао, Малайзия, Муғулистон, Мянмар, Филиппин, Сингапур, Тайланд, Тимори шарқӣ ва Ветнам иборат аст.
Мусобиқаи ҷавонони Осиё-2016 сабқати интихобӣ барои Бозиҳои олимпии соли 2016 аст, ки дар Рио-де-Жанейро баргузор мешавад.