“Истиқлол” дарвозаи “Вахш”-ро голборон кард
Клуби “Истиқлол”-и Душанбе дар чорчуби даври даҳуми мусобиқаи қаҳрамонии футболи Тоҷикистон миёни дастаҳои лигаи олӣ ба дарвозаи “Вахш” 8 голи беҷавоб зад.
Голҳоро Дилшод Восиев (дақиқаҳои 27, 43, 45), Ромиш Ҷалилов (28), Сиёвуш Асроров, (80), Мехроҷиддин Музаффаров (84, 90+1) ва Хуршед Маҳмудов заданд. Дар бозии дигар “Далерон”-и Истаравшан бо ҳисоби 2:0 “Регар-ТадАЗ”-и Турсунзодаро шикаст дод. Муаллифи голҳо
Алексей Негматов ва Сафаралӣ Каримов буданд.
Аз ин пеш, дидори “Энергетик”-и Душанбе ва “Равшан”-и Кӯлоб 2:2, ССКА “Помир”-и Душанбе-“Парвоз”-и Бобоҷон Ғафуров 3:1 ва “Хуҷанд”-и Хуҷанд-“Хайр”-и Ваҳдат 1:0 хотима ёфта буд.