Ордени «Шараф» ба сарчӯпон ва устоди донишгоҳи аграрии Тоҷикистон

17 нафар аз корманди бахши кишоварзии ҷумҳурӣ бо мукофотҳои давлатӣ қадрдонӣ шуданд.

---

Бино ба иттилои дафтари матбуотии вазорати кишоварзӣ, ба ин муносибат бо иштироки масъулин ва бахшида ба таҷлили 20-солагии иди истиқлол ҷамъомади тантанавӣ сурат пазируфт . Зимнан, сардори шӯъбаи кишоварзӣ ва истифодаи замини дастгоҳи иҷроияи президент Ҷалил Пириев, президенти академияи кишоварзии Тоҷикистон   Ҳикматулло Аҳмадов, ректори  донишгоҳи аргарии Тоҷикистон  Иззатулло Сатторӣ ва меҳмонони дигар  баромад намуданд.

Cипас, вазири кишоварзӣ Қосим Қосимов аз номи ҳукумати ҷумҳурии Тоҷикистон ба 17 нафар кормандони соҳаи кишоварзӣ мукофотҳои давлатӣ  аз ҷумла, ба сарчӯпони хоҷагии зотпарварии “Тебалай”-и ноҳияи Мӯминобод Тағайбой Пилолов, мудири кафедраи  механикӣ ва ҷузиёти мошинҳои кишоварзии Донишгоҳи аграрии Тоҷикистон Сироҷиддин Тиллоев “Ордени Шараф дараҷаи 1”,  ҳамзамон  ба 7  нафар  Медали “Хизмати шоиста”, ба 6 нафар  медали  “ҷашни 20-солагии истиқлолияти давлатии ҷумҳурии Тоҷикистон” ва ба 2 нафар  “Ифтихорнома”-и ҷумҳурии Тоҷикистонро тақдим кард.{jathumbnail off}