Лионел Месси ба ҳимояи кӯдакони Ғаза даъват кард
Лионел Месси, варзишгари маъруф дар шабакаи иҷтимоии Facebook навиштааст: “Кӯдакон дар ин қазия баҳои сангинтаринро мепардозанд”.
“Вақте аксҳоро аз маҳалли низоъи Исроил ва Фаластин мебинам, зиёд таасуф мехӯрам. Хушунат дар ин минтақаҳо теъдоди зиёди кӯдаконро ба ком кашид”,-навиштааст футболбоз. Месси ба “қатъи хушунати бемаънӣ” ва ҳимояи кӯдакони дар минтақаҳои низоъбуда даъват кардааст, хабар медиҳад “Аль-Арабия”.
Ҳимояи Месси аз кӯдакони манотиқи даргир дар ҳолест, ки қаблан бархе корбарони шабакаҳои иҷтимоӣ навиштанд, ӯ аз амалиётҳои артиши Исроил пуштибонӣ мекунад. Иддаое ки бо далелҳо тасдиқ нашуд.