Дарёфти садҳо ниҳоли бангдона дар Боғи фарҳангӣ-фароғатии Хуҷанд
Мақомоти пулиси вилояти Суғд дар Боғи фарҳангӣ-фароғатии ба номи Камоли Хуҷандии шаҳри Хуҷанд 1570 бех ниҳоли бангдона пайдо намудаанд.
Тавре ба хабаргузории «Озодагон» аз Раёсати корҳои дохилии вилояти Суғд хабар доданд, ин ниҳолҳо 20-уми июн дар доираи амалиёти «Кукнор-2014» дарёфт гардида, аксарияташонро ниҳолҳои худрўй ташкил медиҳад. Ба иттилои манбаъ вазни умумии бангдона 30 килоро ташкил додааст.
Дар маҷмуъ Раёсати умури дохилии Суғд афзуд, ки тайи рӯзҳои охир дар вилоят 7 ҳазору 703 бех ниҳолҳои худрўйи бангдона бо вазни 81 кг дарёфт гардидаанд.