Марди 42-сола дар дастдарозӣ ба духтари 8-сола муттаҳам мешавад
Вазорати умури дохилии Тоҷикистон аз боздошти марди 42-солае бо иттиҳоми дастдарозӣ ба номуси ноболиғи 8-сола хабар додааст.
Торнамои вазорат аз ин нафар Қурбонов А. ва сокини шаҳри Душанбе ном бурдаву навиштааст, кормандони милиса ӯро 10 июн ҳангоми гузаронидани чорабиниҳои фаврӣ-ҷустуҷӯӣ дастгир кардаанд. “Боздоштшуда 7 июн бо мақсади қонеъ гардонидани нафси шаҳвониаш ба ҳуҷраи истиқоматии ноболиғ Ф.Ш. 8-сола, хонандаи мактаби таҳсилоти умумӣ даромада, нисбаташ ҳаракатҳои зӯроварии дорои хусусияти шаҳвонӣ намудааст”,-меафзояд манбаъ.
Гуфта мешавад, аз рӯи ин ходиса парвандаи ҷиноӣ оғоз гардида, тафтиш идома дорад.