Футбол: Эстония барои бозӣ бо Тоҷикистон 13 легионерашро даъват кардааст
Магнус Персони 37-сола, сармураббии мунтахаби Эстония оид ба футбол ҳайати дастаашро, ки бо Тоҷикистон бозӣ хоҳанд кард, эълон кардааст.
Дар ин ҳайат 22 бозигар бо шумули 13 легионер, ки дар дастаҳои Финляндия, Русия, Белгия, Олмон, Маҷористон, Шветсия, Италия, Қазоқистон, Дания ва Лаҳистон бозӣ мекунанд, шомиланд.
Бозии дӯстонаи тимҳои миллии Тоҷикистону Эстония соати 22:00 (ба вақти Душанбе)-и имрӯз, 7 июн дар варзишгоҳи “А. Ле Кок Арена”-и шаҳри Таллин баргузор мешавад. Ин дидор аз сӯи шабакаи телевизионии ETV2 мустақим намоиш дода мешавад.