Ҳусейн Шодиев сармураббии тими миллии футзали Тоҷикистон шуд
Федератсияи футболи Тоҷикистон Ҳусейн Шодиевро сармураббии яккачини футзал таъин кард.
Шодиев дар ин симмат Дамир Камолиддиновро иваз кард, ки бо далели иштироки номуваффақи мунтахаби футзал дар чемпионати Осиё -2014 аз вазифа сабукдуш шуд. Дар чемпионати Осиё дар Ветнам, футболбозони тоҷик ҳамаи се дидорашонро (бо Кувейт (0:5), бо Ветнам (4:10) бо Ироқ (1:6)) бохтанд.
“Ба Комрон Шодиев, раҳбари шӯъбаи футзали ФФТ ва сармураббии нави тими миллӣ дастур дода шуд, ки иштироки нобарори мунтахаби кишварро таҳлил намуда, барои бартараф кардани камбудиҳо чораҳои зарурӣ андешанд”,-навиштааст торнамои ФФТ.