Табрикоти Раҳмон ба Илҳом Алиев ва умед аз сафари расмии ӯ ба Душанбе
Эмомалӣ Раҳмон, раисиҷумҳури Тоҷикистон ба муносибати иди миллии Озарбойҷон унвонии раҳбари он -- Илҳом Алиев барқияи шодбошӣ фиристодааст.
Дар ин нома аз ҷумла гуфта мешавад: “Дар Тоҷикистон сатҳи ҳамкории бисёрҷонибаи байни кишварҳоямон, ки тайи солҳои охир ба таври назаррас вусъат ёфтааст, ба дараҷаи баланд арзёбӣ мешавад. Мо азм дорем, ки бо Озарбойҷон минбаъд ҳам зич ҳамкорӣ намуда, ин саъю кӯшишро бо мазмуни нави ҷавобгӯи тақозои замони ҳозира ғанӣ гардонем”.
Дар идомаи барқияи Эмомалӣ Раҳмон омадааст, “аминам, сафари пешорӯи расмии Шумо ба Тоҷикистон ба рушду таҳкими ҳамкории мутақобилан муфиди дуҷонибаи мо қувваи нав мебахшад. Мехоҳам Шуморо бовар кунонам, ки Тоҷикистон барои расидан ба ин мақсадҳои наҷиб ҳамаи кори имконпазирро анҷом медиҳад”.
Дар мавриди санаи боздиди Илҳом Алиев ба Тоҷикистон алъон маълумоте дода нашудааст.