SoS: 6 нафар дар Душанбе заҳролуд шуда ба ҳалокат расиданд

Имрӯз дар корхонаи «Истеҳсоли пӯст» (маъруф ба Кожзавод)-и шаҳри Душанбе  6 нафар корманди ин муассиса ба ҳалокат расидаанд.

Тибқи иттилои кумитаи ҳолатҳои фавқулодда дар корхонаи «Истеҳсоли пӯст» воқеъ дар кӯчаи Чармгарон 10,   бо сабабҳои  номаълум 6 нафар коргари ин корхона аз таъсири заҳролудшавӣ ба ҳалокат расида, 4 нафари дигар дар беморхонаи шаҳрии № 3 бистарӣ гардидаанд.

Манбаъ ба хабаргузории «Озодагон» гуфт, қурбоншудагон Мирзомаҳмуд Маҳмудови 50 -сола, Ҷӯрабек  Мирзоеви 41-сола, Тӯйчибек Абдураҳмонови 22- сола, Амриддин Шонуриддинови 45- сола, Аҳмадбек Худойдодови 45-сола истиқоматкунандагони шаҳри Душанбе ва Наврӯз Зуҳурови 36-сола, сокини деҳаи «Морак»-и ноҳияи Тавилдара мебошанд. Зариф Халифаев, сокини ноҳияи Рудакӣ, Ҳабибулло Мусоев,  Мирзоюсуф Шарипов ва Абдулваҳҳоб Ибодов, истиқоматкунандагони Душанбе айни ҳол дар беморхонаанд. Тафтишоти қазия шурӯъ шуда, паҳлуҳои он шарҳ дода намешавад.