Дамир Камолиддиновро аз вазифа гирифтанд
Кумитаи иҷроияи Федератсияи футболи Тоҷикистон Дамир Камолиддинов, сармураббии тими миллӣ оид ба футзалро аз вазифа озод кардааст.
Далели ин тасмим бозии номуваффақи футболбозони тоҷик дар чемпионати Осиё гуфта мешавад. Сабқати мазкур аз 30 апрел то 10 май дар Хошимини Ветнам баргузор шуд. Мунтахаби футзали Тоҷикистон дар ҳамаи се дидораш дар гуруҳи “А” аз тимҳои Қувейт (0:5), Ветнам (4:10) ва Ироқ (1:6) шикаст хурд.
Дамир Камолиддинов аз соли 2001 сармурабии тими миллии футзали Тоҷикистон буд.