Миср: Интихоботи бидуни интихоб?
Дар Миср теъдоди номзадҳо ба мақоми раёсатҷумҳурӣ ба ду нафар расид.
Бино ба иттилои расонаҳо Муртод Мансур, ҳуқуқшинос ва президенти клуби футболи “Замалек” аз ширкат дар сабқати интихоботӣ ба манфиати Сисӣ даст кашидааст.
Интихоботи президентӣ дар Миср 26 ва 27 май баргузор мешавад. Танҳо ду нафар довталаби курсии раёсатҷумҳуриянд. Абдулфаттоҳ Сисӣ, собиқ вазири мудофиаи Миср ва Ҳамдин Саббоҳии сотсиалист.
Ҳамдин Саббоҳӣ дар интихоботи президентии соли 2012 ҳам номзад буд ва танҳо 20 дар сади овозҳоро соҳиб шуд. Он вақт Муҳаммад Мурсӣ бо бештари раъй дастболо гардид, аммо баъди як сол барканор ва пушти панҷара кашида шуд.
Натоиҷи интихобот на дертар аз 5 июн эълон мешавад.