Убайдуллоев ба 12 ғолиби ниммарафони V аз 1500 то 3500 $ медиҳад
Маҳмадсаид Убайдуллоев, раиси шаҳри Душанбе қарор кардааст, мусобиқаи ниммарафони V байналмилалии Душанбе соати 09:00-и 19-уми апрел мутобиқ ба хати дави муайянгардида баргузор шавад.
Тибқи иттилои дафтари матбуоти шаҳрдорӣ бо супориши Убайдуллоев барои ин мусобиқа 202 412 сомонӣ, аз ҷумла 144 212 сомонияш аз ҳисоби маблағҳои махсуси дастгоҳи раиси шаҳри Душанбе ҷудо мегардад.
Ба иттилои манбаъ иштирокчиёне, ки ҷойҳои 1-ум то 6-умро ишғол мекунанд, байни мардҳо ва занҳо дар алоҳидагӣ бо мукофотҳои пулӣ сарфароз карда мешаванд: “Аз ҷумла ғолибон миёни зарону мардон барои ҷои якум- 16837 сомонӣ ё 3500$, ҷои дуюм-14431 сомонӣ ё 3000$, ҷойи сеюм- 12026 сомонӣ ё 2500$, ҷойи чорум- 9621 сомонӣ ё 2000$, ҷойи панҷум 8659 сомонӣ ё 1800$, ҷойи 5-ум 8659 сомонӣ ё 1800$ ва ҷойи шашум - 7216 сомонӣ ё 1500$ ҷоиза мегиранд.”
Ин дар ҳолест, ки соли гузашта дар арафаи ниммарафони байналмилалии Душанбе Маҳмадсаид Убайдуллоев барои иштироки фаъол дар чорабиниҳои варзишии пойтахт ба Зайдуло Мирови 82-сола дар кӯчаи Борбади пойтахт хонаи якҳуҷрагӣ дода буд.