Обуҳавошиносон: Ҳавои номуътадил 2 рӯзи дигар боқӣ мемонад
Идораи обуҳавошиносии Тоҷикистон мегӯяд, рӯзҳои 6 ва 7-уми апрел низ дар кишвар ҳавои номусоид боқӣ хоҳад монд. Тибқи иттилои ин ниҳод дар навоҳии куҳӣ боришоти борону барф дар назар буда, дар баландиҳои бештар аз 3 ҳазор метр хатари фаромадани тарма мавҷуд аст.
Ин дар ҳолест, ки бодуҳавои номуътадил дар Тоҷикистон аз рӯзи 2-юми апрел ҳукмфармо буда, барои имрӯз, 5-уми апрел дар баъзе навоҳӣ боришоти нисбатан сахт, раъду барқ ва жола пешгӯӣ мешавад.