Ифтитоҳи хатсайри нав ба Русия бо нархи камтар аз 300$
Ширкати ҳавопаймоии East Air мегӯяд, сар аз 9 апрели соли ҷорӣ хатсайри нави худро дар самти Қӯрғонтеппа-Челябинск- Қӯрғонтеппа ба роҳ мемонад.
Ба иттилои дафтари матбуотии ширкати мазкур, парвозҳо дар самти Челябинск ҳар ҳафта рӯзи чоршанбе амалӣ шуда, нархи чипта 1450 сомониро ташкил медиҳад: “Ҳавопаймо аз Қӯрғонтеппа ба Челябинск соати 7:00 бо вақти маҳаллӣ парвоз карда, муҳлати парвоз 2 соату 40 дақиқаро ташкил медиҳад”.
Манбаъ афзуд, ки East Air инчунин аз 6 апрел парвозро дар самти Қӯрғонтеппа-Оренбург барқарор менамояд, ки ҳар рӯзи якшанбе амалӣ шуда, нархи чипта ба як самт 1500 сомонӣ мебошад.