“Истиқлол” дар муқобили “Регар-ТадАЗ” ба майдон мебарояд
Имрӯз, 28 феврал дар чорчуби даври сеюми даври муқаддамоти Ҷоми Федератсияи футболи Тоҷикистон дар минтақаи Душанбе тимҳои “Истиқлол” ва “Регар-ТадАЗ” қувваозмоӣ мекунанд. Ин дидор дар майдони сунъии варзишгоҳи марказии пойтахт баргузор мешавад.
Даври муқаддамотии Ҷоми ФФТ дар минтақаи Душанбе ба анҷоми худ наздик аст. Дастаҳо бозиҳои охири худро анҷом медиҳанд. Баъди ин дидорҳо иштирокдорони даври ниманиҳойӣ маълум мегардад. Тими “Истиқлол” новобаста аз натиҷаи бозӣ бо “Регар-ТадАЗ” соҳиби роҳхати даври баъдист. Дар ду бозии қаблӣ “Истиқлол” бар ҳарифонаш дастболо шуд ва бо шаш имтиёз пешсаф аст.
Дар бозии дигари гуруҳи “А” мунтахаби наврасон (U-16) бо ССКА “Помир” рақобат мекунад.