Як голи "Равшан" бар ивази 3 тӯби "Сувайк" дар Ҷоми АФК-2014
Дидори тимҳои "Равшан"-и Кӯлоб ва “Сувайк”-и Умон бо ҳисоби 1:3 ба нафъи мизбонҳо анҷом ёфт.
Ин бозӣ дар доираи даври аввали Ҷоми АФК-2014 дар гурӯҳи “А” дар варзишгоҳи “Сиб Стэдиум”-и шаҳри Масқат баргузор шуд. Ҳисобро дар дақиқаи 30-юм мизбонҳо боз карданд. Муҳаммад Ҳасанӣ имкони хуби голзаниро истифода кард. Дар дақиқаи 59-ум Абдулраҳмон Солеҳ тӯби дуюмро вориди дарвозаи "Равшан" кард. Бозигарони "Равшан" дар дақиқаи 78-ум ба задани як гол муваффақ шуданд. Аммо футболбозони “Сувайк” дар дақиқаи 80-ум боз як тӯбро вориди дарвозаи меҳмонҳо намуданд.
Дар гуруҳи "А" боз як қувваозмоии дигар сурат пазируфт. Тими “Сафо”-и Лубнон бо “Зат Рас”-и Урдун бо ҳам вориди рақобат шуданд. Ин бозӣ 1:0 анҷом ёфт.
Тими “Равшан” шаби 22 феврал ба Умон сафар кард. Ҳайати дастаи “Равшан” аз ин қарор аст: дарвозабонҳо - Рустам Ризоев, Неъматулло Тошев, ҳимоятгарон - Содиқ Мӯсо, Алексей Неъматов, Далерҷон Тухтасунов, Ҳасан Рустамов, Саидхони Амрохон, Фаридун Рустамов, нимҳимоятгарон - Сайриддин Ғаффоров, Ҳикматулло Расулов, Муҳаммадҷони Ҳасан, Бахтиёр Ҳасанов, Комрони Саидзод, ҳамлагарон - Соломон Течи, Давронҷон Тухтасунов, Нуъмонҷон Ҳакимов ва Наврӯз Рустамов.
Сармураббӣ: Ғайраталӣ Мираҳмадов, мураббии калон Маъруф Рустамов.
Тақвими бозиҳои гуруҳи “А”-и Ҷоми АФК-2014:
Даври 1
25 феврал (сешанбе)
“Сувайк” (Умон) – “РАВШАН” (ТОҶИКИСТОН) 3:1
“Сафо” (Лубнон) – “Зат Рас” (Урдун) 1:0
Даври 2
11 март (сешанбе)
“РАВШАН” (ТОҶИКИСТОН) – “Сафо” (Лубнон)
“Зат Рас” (Урдун) – “Сувайк” (Умон)
Даври 3
18 март (сешанбе)
“РАВШАН” (ТОҶИКИСТОН) – “Зат Рас” (Урдун)
“Сувайк” (Умон) – “Сафо» (Лубнон)
Даври 4
2 апрел (чоршанбе)
“Зат Рас” (Урдун) – “РАВШАН” (ТОҶИКИСТОН)
“Сафо” (Лубнон) – “Сувайк” (Умон)
Даври 5
9 апрел (чоршанбе)
“РАВШАН” (ТОҶИКИСТОН) – “Сувайк” (Умон)
“Зат Рас” (Урдун) – “Сафо” (Лубнон)
Даври 6
23 апрел (чоршанбе)
“Сафо” (Лубнон) – “РАВШАН” (ТОҶИКИСТОН)
“Сувайк” (Умон) – “Зат Рас” (Урдун)
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)