Ҷоми АФК-2014: "Равшан"-"Сувайк". То оғози бозӣ 10 соати дигар монд
Соати 20:00 (ба вақти Душанбе)-и имрӯз, 25 феврал дар варзишгоҳи “Сиб Стэдиум”-и шаҳри Масқат бозии тими “Равшан”-и Кӯлоб ва дастаи “Сувайк”-и Умон оғоз мешавад. Ин дидор дар доираи даври аввали Ҷоми АФК-2014 дар гурӯҳи “А” сурат мепазирад.
Бозии мазкур тавассути шабакаи варзишии “beIN Sport 10” мустақиман намоиш дода мешавад. Ин дидорро ҳамчунин тариқи сомонаи www.beinsports.tv ва ё www.en.beinsports.net тамошо кардан имконпазир аст.
Тими “Равшан” шаби 22 феврал ба Умон сафар кард. Ҳайати дастаи “Равшан” аз ин қарор аст: дарвозабонҳо - Рустам Ризоев, Неъматулло Тошев, ҳимоятгарон - Содиқ Мӯсо, Алексей Неъматов, Далерҷон Тухтасунов, Ҳасан Рустамов, Саидхони Амрохон, Фаридун Рустамов, нимҳимоятгарон - Сайриддин Ғаффоров, Ҳикматулло Расулов, Муҳаммадҷони Ҳасан, Бахтиёр Ҳасанов, Комрони Саидзод, ҳамлагарон - Соломон Течи, Давронҷон Тухтасунов, Нуъмонҷон Ҳакимов ва Наврӯз Рустамов.
Сармураббӣ: Ғайраталӣ Мираҳмадов, мураббии калон Маъруф Рустамов.