Як нишони тилло ва як медали нуқраи муштзанҳои тоҷик

Анвар Юнусов варзишгари тоҷик дар вазни 56 кило ба гирифтани медали тилло ва унвони қаҳрамони Осиё дар риштаи бокс сарфароз гардид.

---

Дар ин бора Муродалӣ Тешаев, сухангӯи кумитаи миллии олимпӣ ба хабаргузории «Озодагон» иттилоъ дод. Ба қавли номбурда, варзишгари тоҷик нишони олии қаҳрамониро дар мақарри бозиҳои Осиё, дар Кореяи Ҷанубӣ соҳиб шуд. Дар даври ниҳоӣ рақиби Анвар Юсупов варзишгари Муғулистон Отғондалай Дорҷниамбуу ба майдон баромад. Анвар Юнусов рақибро бо натиҷаи 13 бар 9 мағлуб карда қаҳрамони Осиё эътироф гардид.

Мадади Нағзибек, варзишгари дигари тоҷик аз ин чемпионат бо медали нуқра баргашт, афзуд манбаъ.   {jathumbnail off}