sochi2014.com: Алишер Қудратов, варзишгари тоҷик дар ҷои 29-ум аст
Ба тарафдории Алишер Қудратов, ягона варзишгари тоҷик дар Бозиҳои зимистонаи олимпии Сочӣ дар сомонаи расмии ин олимпиада 370 нафар раъй додаанд ва ӯ дар мақоми 29 нишастааст.
Сомонаи sochi2014.com дар бахши “Дастгирии тим” гушаи “дастгирии варзишгар”-ро ҳам роҳандозӣ кардааст, ки корбарон тавассути шабакаҳои иҷтимоӣ, назири “Фейсбук”, “Вконтакте” ва “Твиттер” метавонанд ба дастаи дӯстдошта ва варзишгари писандидаашон райъ бидиҳанд.
Дар мақоми аввали “Дастгирии варзишгар” бо 5 297 райъ Майкл Кристиан Мартинес, варзишгари 17 солаи филиппинӣ (дар намуди рақси рӯи ях) қарор дорад. Ҷои дуюм бо 3 164 раъй насиби Юлия Липинитская (рақси рӯи ях) аз Русия гардидааст ва дар зинаи сеюм Бямбадорж Болд, намояндаи Муғулистон (лижаронии куҳӣ) бо 3 161 раъй қарор дорад.
Алишер Қудратов, ягона варзишгаре аз Тоҷикистон аст, ки дар Олимпиадаи Сочӣ кишвари моро намояндагӣ мекунад. Ҳунарнамоии ӯ, дар намуди лижаронии кӯҳӣ дар навъи слалом, рӯзи 22 феврал дар назар аст. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)