Легионери бразилиягии "Истиқлол": Нақша дорам, имсол 15 гол бизанам
Жосимар Насименто, футболбози бразилиягӣ, ки ба тозагӣ ба бошгоҳи “Истиқлол”-и Душанбе пайваст, дар суҳбати ихтисосие ба торнамои клуб гуфтааст, нақша дорад, дар мавсими имсола ба дарвозаи ҳарифон 15 гол бизанад.
Жосимар Насименто дар мавриди раванди мутобиқшавӣ ба тими нав ва умуман Тоҷикистон афзуда, ҳарчанд ба сардиҳо одат накардааст, аммо талош мекунад, интизориҳои клубро бароварда созад: “Ман барои он омадам, ки кори худро анҷом диҳам ва талош мекунам дар чӣ боду ҳавое ки набошад, он босифат бошад. Дар "Истиқлол" мо се бразилиягӣ ҳастем ва ин ҳузури маро дар Душанбе роҳаттар мекунад".