Бар асари сониҳа як кас ҳалок шуда, се тани дигар наҷот ёфтанд

Дар натиҷаи садамаи нақлиётӣ 3 нафар ҷон ба саломат бурда, чорумӣ дар рӯдхонаи Фондарё ғарқ шудааст.

---

Тавре ба «Озодагон» дар РКД-и вилояти Суғд иттилоъ доданд, рӯзи гузашта ронандаи автомашинаи тамғаи  Мерседес-Бенс , сокини 23-солаи  ҷамоати Чортеппаи  ноҳияи Рӯдакӣ, Мӯҳриддин Раҳмонов, аснои ҳаракат бо роҳи мошингарди Душанбе-Хуҷанд-Чанок дар километри  131-ум, ҷамоати Петеи ноҳияи Айнӣ аз ӯҳдаи идораи автомашина баромада натавониста, аз роҳ баромада ба оби Фон чаппа шудааст.Зимнан, аз ин сониҳа сокини 40-солаи нохияи Абдураҳмони Ҷомӣ Мақсуд Ҷунайдуллоев ва Сӯҳроб Маҷидов аз дохили оби дарё наҷот ёфтаанд.
«Мусофири дигари нақлиёт,  сокини 44-солаи  ноҳияи Рӯдакӣ Абдуҷалил Шеров ғарк шудааст. Чораҳо барои дарёфт намудани ҷасади  ӯ  андешида шуда истодаанд»- афзуд манбаъ.{jathumbnail off}