Мунтахаби ҷавонони Тоҷикистон клуби ССКА “Помир”-ро шикаст дод
Мунтахаби ҷавонони то 21-солаи Тоҷикистн оид ба футбол дар чорчуби омодагиҳо ба Ҷоми Иттиҳод-2014 бо тими ССКА “Помир”-и Душанбе бозии санҷишӣ анҷом дод.
Ин дидор, ки рӯзи гузашта дар майдони сунъии варзишгоҳи ҷумҳуриявии шаҳри Душанбе баргузор шуд, бо ҳисоби 5:1 ба нафъи футболбозони ҷавон анҷом ёфт.
Ёдовар мешавем, аз ин пештар мунтахаби ҷавонони Тоҷикистон зери раҳбарии мураббӣ Маҳмадҷон Ҳабибуллоев бо ҳисоби бузурги 6:2 яккачини клубҳои кишварро шикаст дода буд.