Дар маркази Душанбе як таппонча забту мусодира шуд

Як сокини шаҳри Душанбе бо ҷурми ғайриқонунӣ нигоҳ доштани силоҳ боздошт гардид.

---

Тавре ба хабаргузории «Озодагон» аз ВКД иттилоъ доданд, аснои амалиёти кормандони мақомоти интизомӣ  дар назди бинои-4, кӯчаи  Исмоили Сомонӣ, шаҳрванд Диловар Паймораеви 32- сола дастгир карда шуд. Гуфтанист, ӯ истиқоматкунандаи  кӯчаи  Айнӣ буда, дар ягон ҷо кор намекунанд.  Ҳангоми  кофтукови шахсӣ аз дохили қуттии кардонӣ 1 адад таппончаи тамғаи ПМ таҳти рақами  ХТ-5696 -1986 с/б ва 1 адад тирдон бо 8 дона тир (коршоям), дарёфт ва мусодира карда шуд.

Ба иттилои манбаъ, Диловар Паймораев доғи судӣ дошта, қаблан бо моддаи 112-и кодекси ҷиноии Тоҷикистон аз озодӣ маҳрум гардидааст. Айни ҳол  нисбати ин қазия парвандаи ҷиноӣ  бо ҷурми  ғайриқонунӣ нигоҳ доштани  яроқ оғоз гардида, тафтишот идома дорад. {jathumbnail off}