Футзал: Иштирокдорони даври финалӣ маълум шуд
Ҳайати ниҳоии ширкатдорони мусобиқаи Осиё оид ба футзал-2014 маълум шуд.
Ба ҷуз яккачини мизбонҳо – Ветнам, ба ҳайати ширкаткунандаҳои даври финалӣ Тоҷикистон, Ҷопон, Тайланд, Эрон, Узбакистон, Қирғизистон, Чин, Тайбэйи Чин, Кореяи Ҷанубӣ, Австралия, Индонезия, Малайзия, Лубнон, Қувейт ва Ироқ шомил шудаанд. Қуръапартоии мусобиқоти Осиё-2014, ки 16 дастаро ба чор гуруҳ тақсим мекунад, баъдан баргузор хоҳад шуд.
Дар қисмати интихобии мусобиқаи мазкур, ки моҳи ноябр дар шаҳри Тошканд сурат гирифт, мунтахаби Тоҷикистон бо яккачинҳои Қирғизистон (8:4), Узбакистон (4:5) ва Туркманистон (5:4) қувваозмоӣ карда бо дарёфти шаш имтиёз ба даври финалии сабқат роҳ ёфт.
Мусобиқоти Осиё-2014 оид ба футзал аз 30 апрел то 10 май дар шаҳри Хошимини Ветнам баргузор мешавад.
Қаҳрамони феълии мусобиқот Ҷопон аст.
Моро ҳамроҳӣ кунед: Дар ФЕЙСБУК (FACEBOOK) Дар ЮТЮБ (YOUTUBE)