“Регар-тадАЗ” рақиби “Истаравшан” аст, “Истиқлол” ҳарифи ССКА “Помир”
Фардо, 13 ноябр даври 21-уми мусобиқоти футболи Тоҷикистон миёни дастаҳои лигаи олӣ баргузор мешавад.
Дар ин давр “Энергетик”-и Душанбе бо «Равшан”-и Кӯлоб қувваозмоӣ мекунад. Ин бозиро, ки дар варзишгоҳи “Авиатор”-и пойтахт доир мегардад, Равшан Ишматов аз Кӯрғонтеппа доварӣ хоҳад кард.
Дар дидори дигар “Вахш”-и Қӯрғонтеппа меҳмони “Хайр”-и Ваҳдат мешавад. Довари бозӣ Хуршед Дадобоев аз шаҳри Хуҷанд аст. “Парвоз”-и Бобоҷон Ғаффуров дар варзишгоҳи худ бо “Хуҷанд”-и Хуҷанд қувваозмоӣ мекунад. Диловаршоҳ Орзуев аз Ҳисор довари ин сабқат аст. Рақобати “Регар-тадАЗ”-и Турсунзода ва дастаи “Истаравшан”-и Истаравшан зери доварии Раҳмон Муртазоев (Душанбе) дар варзишгоҳи “Металлург” баргузор мешавад.
Ҳамчунин, фардо як бозии мавқуфмондаи даври 15-ум миёни дастаҳои ССКА “Помир»и ва “Истиқлол-и Душанбе доир мегардад. Довари бозӣ Баҳром Саъдуллоев аз Қӯрғонтеппа бада, қувваозмоӣ дар варзишгоҳи ССКА-и Вазорати мудофиа мегузарад.
Оғози ҳамаи бозиҳо соати 14:00.