Дар Душанбе мусобиқаи камонварон баргузор мегардад
Рӯзҳои 25-27-уми октябр дар шаҳри Душанбе мусобиқаи ҷумҳуриявии камонварӣ миёни наврасону ҷавонон ва калонсолон барпо мегардад.
Тавре аз Кумитаи ҷавонон варзиш ва сайёҳӣ ба “Озодагон” иттилоъ доданд, дар мусобиқаи мазкур варзишгарони дастаҳои шаҳри Душанбе (3 ҳайат), Суғд (2 ҳайат), Хатлон (2 ҳайт) ва камонварони шаҳру навоҳии тобеи марказ ширкат мекунанд.
Манбаъ мегӯяд, мусобиқаи мазкур бо мақсади тарғиби ин навъи варзиш ва баланд бардоштани маҳорати касбии камонварон ташкил карда шудааст. Ғолибони мусобиқа бо диплому медалҳо ва тӯҳфаҳои хотиравӣ қадр хоҳанд шуд.