Маҳви 25 ҷангии “Толибон” дар музофоти Ҳилманд
25 ҷангии “Толибон” дар музофоти Ҳилманд кушта шудаанд.
Бино ба иттилои расонаҳо ин афрод, ки дар силсилаи ҳамлаҳо ба нуқтаҳои назоратии Афғонистон муттаҳам мешуданд, дар ду маҳаллаи Ҳилманд маҳв гардидаанд. Амалиёти зидди онҳо чандин соат идома кардааст.
Гуфта мешавад, аз ҷангиён 10 автомати Калашников ва теъдоди зиёди тир мусодира шудааст. Намояндагии “Толибон” гуфтааст, дар пайи ин задухӯрд 10 низомии давлатиро куштаанд. Аммо Кобули расмӣ мегӯяд, танҳо як танро аз даст додаанд.