БДА: Теъдоди садамаҳо аз 1000 адад гузашт
Бозрасии давлатии автомобилии Тоҷикистон мегӯяд, аз аввали соли ҷорӣ то 22 сентябр дар роҳҳои мошингарди ҷумҳурӣ 1013 садамаи нақлиётӣ ба қайд гирифта шудааст.
Ба иттилои манбаъ бар асари ин сонеҳаҳои нақлиётӣ 325 нафар ба ҳалокат расида, 1121 нафари дигар ҷароҳатҳои гуногуни ҷисмонӣ бардоштаанд.
БДА таъкид мекунад, ки танҳо дар ҳафтаи гузашта-аз 16 то 22 сентябр дар роҳҳои мошингарди ҷумҳурӣ 27 садамаи роҳу нақлиётӣ ба қайд гирифта шудааст, ки дар онҳо 8 нафар ба ҳалокат расида, 24 нафари дигар ҷароҳатҳои гуногуни ҷисмонӣ бардоштанд.