Қувваозмоии 8 даста дар даври 1/4-ниҳоии Ҷоми Тоҷикистон-2013
Имрӯз, 10-уми сентябр, бозиҳои аввали даври 1/4 ниҳоии Ҷоми Тоҷикистон-2013 оғоз мешавад.
Дастаи лигаи аввал - “Эсхата”-и Хуҷанд дар майдони худ бо тими лигаи олӣ- “Вахш”-и Қӯрғонтеппа рақобат мекунад. Сардовар: Диловаршоҳ Орзуев (Ҳисор). Ёваронаш: Насрулло Кабиров, Ҳасан Каримов (ҳарду аз Норак). Довари эҳтиётӣ: Наимҷон Мансуров (Бобоҷон Ғафуров).
Се бозии дигари даври 1/4 ниҳоии Ҷоми Тоҷикистон рӯзи чоршанбе, 11-уми сентябр, баргузор мегардад. Дастаи “Регар-ТадАЗ”-и Турсунзода дар майдони худ бо тими “Энергетик”-и Душанбе ба сабқат мебарояд. Сардовар: Хуршед Дадобоев (Хуҷанд). Ёваронаш: Дилшод Назипов (Ҳисор), Умед Раҳимов (Қӯрғонтеппа). Довари эҳтиётӣ: Насим Ҳамидов (Душанбе).
Дастаи “Парвоз”-и Бобоҷон Ғафуров дар майдони худаш бо тими “Равшан”-и Кӯлоб рақобат мекунад. Сардовар: Насрулло Кабиров (Норак). Ёваронаш: Диловаршоҳ Орзуев (Ҳисор), Ҳасан Каримов (Норак). Довари эҳтиётӣ: Мурод Қурбонов (Хуҷанд).
Тими “Истиқлол”-и Душанбе дар меҳмонӣ бо дастаи “Истаравшан”-и Истаравшан қувва меозмояд. Сардовар: Сафармаҳмад Шоймардонов. Ёваронаш: Исматулло Муъминов, Ҳамза Шоймардонов (ҳама аз Хуросон). Довари эҳтиётӣ: Носирҷон Мансуров (Бобоҷон Ғафуров).
1/4 финал. Бозиҳои ҷавобӣ
17-уми сентябр (сешанбе)
“Вахш” - “Эсхата”
18-уми сентябр (чоршанбе)
“Энергетик” - “Регар-ТадАЗ”
“Равшан” - “Парвоз”
“Истиқлол” - “Истаравшан”