ВКД “Иллюзия обмана”-ро дар “Спартак” намоиш медиҳад
Бахшида ба 22-юмин солгарди истиқлоли Тоҷикистон филми “Иллюзия обмана”-и Луи Летерре, коргардони машҳури фаронсавӣ, барои меҳмонон ва сокинони пойтахт зери фазои боз намоиш дода мешавад.
Ин филм бо дастгирии Вазорати умури дохилии Тоҷикистон рӯзи 7-уми сентябр соати 17:00 дар майдони варзишии “Спартак”-и шаҳри Душанбе пешкаши тамошобинон мешавад.
Филми “Иллюзия обмана” аслан дар бораи 4 чашмбанде суҳбат мекунад, ки мехоҳанд бо роҳи чашмбандӣ бонкеро ғорат намоянд ва он то кунун дар Амрико ва Русия намоиш дода шудааст. “Иллюзия обмана”, ки 120 дақиқа давом мекунад, истеҳсоли Иёлоти Муттаҳида ва Фаронса буда, соли 2013 ба навор гирифта шудааст.