Мадонна сарватмандтарин чеҳраи маъруф шинохта шуд
Мадонна, хонандаи шинохтаи амрикоӣ дар садри рейтинги чеҳраҳои маъруфи сарватманд арор гирифтааст.
Маҷаллаи Forbes, ки феҳрасти мазкурро таҳия кардааст, даромади Мадоннаро дар як соли ахир 125 миллион доллар нишон додааст. Бештари ин маболиғро ӯ аз сил-сила сафарҳояш ба манзури муаррифии албоми MDNA ба даст овардааст. Ин ҳам дар ҳоле, ки Forbes ин маҷмӯаро чандон муваффақ намедонад.
Ҷои дуюмро дар ин рейтинг коргардон Стивен Спилберг бо 100 миллион доллар соҳиб шудааст. Дар зинаи сеюм бо 95 миллион доллар ровии телевизион Саймон Коуэлл ва ровии радио Говард Стерн нишастаанд.
Дар мақоми аввали рейтинги гузаштаи Forbes ровии телевизион Опра Уинфри қарор дошт, ки ба иттилои маҷалла даромади ӯ аз моҳи майи соли 2011 то моҳи майи 2012 ба 165 миллион доллар расид. Ин навбат даромади вай 77 миллион доллар гуфта мешавад.