Нақшаи роҳбандиҳо барои 21-уми август дар Душанбе
Раёсати Бозрасии давлатии автомобилии Тоҷикистон ба иттилои шаҳрвандон мерасонад, ки имрӯз, 21-уми август, соатҳои 10:15 ва 11:30 дар бархе аз кӯчаҳои марказии пойтахт ҳаракати воситаҳои нақлиёт манъ карда мешавад.
Тавре аз хадамоти матбуоти ВКД ба “Озодагон” иттилоъ доданд, рӯзи 21-уми август соати 10:15 ҳаракати воситаҳои нақлиёт аз хиёбони Рӯдакӣ-Карамов то Рӯдакӣ-Шотемур аз Исмоили Сомонӣ то Сино ва кӯчаи Низоми Ганҷавӣ манъ карда мешавад. Ҳамчунин соати 11:30 ҳаракати воситаҳои нақлиёт аз И.Сомонӣ то Рӯдакӣ, хиёбони Рӯдакӣ-Айнӣ-А.Дониш маҳдуд мегардад.
Мақомот, далели маҳдуд кардани ҳаракати нақлиёт дар Душанберо таъмини амнияти меҳмонони баландпоя мегӯянд, ки барои иштирок дар конфронси байналмилалии об (20-21-уми август) дар Душанбе ҳузур доранд.