Леди Гага клипи «Applause»-ро муаррифӣ кард
Леди Гага, хонандаи маъруфи попи Амрико клипи нави худро муаррифӣ кард.
Расми муаррифии клипи «Applause» субҳи дирӯз дар Ню-Йорк сурат гирифтааст. Клипро тариқи экранҳои бузург намоиш дода, ҳамчунин худи Гага дар шоу телевизионии «Good Morning America» дар мавриди он ҳарф задаст.
Клипи таронаи «Applause»-ро мешавад роҳат аз саҳифаи расмии Леди Гага аз YouTube тамошо кард. То замони навиштани ин хабар он наздики 5,6 миллион бор дида шуда буд.
Тавре қаблан хабар додем, Леди Гага маҷбур шуд, таронаи «Applause»-ро қабл аз муҳлати эълоншуда нашр кунад, зеро хаккерҳо як пора аз онро дар интернет ҷой доданд. Ҳамин тариқ 12-уми август Гага эълон кард, ки таронаро дар интернет мегузорад.
«Applause» яке аз таронаҳои албоми нави ӯ бо номи «Artpop» аст, ки 11-уми ноябри соли 2013 вориди бозор мешавад.