Раёсати Бозрасии давлатии автомобилии Вазорати умури дохилии Тоҷикистон ба диққати шаҳрвандон мерасонад, ки бо мақсади таъмини амнияти ҷамъиятӣ ва бехатарии ҳаракат дар роҳ дар давраи сафари расмии сарвазири Шоҳигарии Тайланд, Сарвазири ҷумҳурии Қирғизистон ва баргузоршавии Коференсияи байналмиллалии сатҳи баланд оид ба ҳамкорӣ дар соҳаи об харакати наклиёт катъ мегардад.
Тибқи иттилои БДА имрӯз, 20-уми август, аз соати 06.30 то 07.00 ҳаракати воситаҳои нақлиёт дар кӯчаи Аҳмади Дониш-Айнӣ-Рӯдакӣ то Карамова манъ карда мешавад.
Ба итилои ин манбаъ зз соати 08.00-08.30 ҳаракати воситаҳои нақлиёт дар кӯчаи Сомонӣ аз Сино то Рӯдакӣ ва хиёбони Рӯдакӣ аз кӯчаи Шотемур то Карамов манъ карда мешавад. Аз соати 10.45-11.10 ҳаракати воситаҳои нақлиёт дар хиёбони Рӯдакӣ-Айнӣ-Аҳмади Дониш манъ карда мешавад. Аз соати 14.10-14.20 ҳаракати воситаҳои нақлиёт аз кӯчаи Карамов то Бухоро манъ карда мешавад. Соати 16.20 ҳаракати воситаҳои нақлиёт аз хиёбони Рӯдакӣ-Шотемур то Рӯдакӣ-Бухоро манъ карда мешавад.Соати 16.40 ҳаракати воситаҳои нақлиёт аз хиёбони Рӯдакӣ-Шотемур то Рӯдакӣ-Айнӣ манъ карда мешавад. Соати 17.20 ҳаракати воситаҳои нақлиёт аз хиёбони Рӯдакӣ-Карамов то Рӯдакӣ-Шотемур аз Исмоили Сомонӣ то Сино кӯчаи Н. Ганҷавӣ манъ карда мешавад. Соати 20.30 ҳаракати воситаҳои нақлиёт аз хиёбони Рӯдакӣ-Карамов то Рӯдакӣ-Шотемур аз Исмоили Сомонӣ то Сино кӯчаи Н.Ганҷавӣ манъ карда мешавад.
Ин дар ҳолест, ки роҳбандон дар Душанбе як мушкили рузмарра шудааст, вале бо омадани меҳмонони хориҷӣ барои иштирок дар конфронси байналмилалии об, якбора шиддат ёфтааст.
Баргузории конфронси байналмилалии об, ки рӯзҳои 20-21-уми август, бо ҳузури намояндагони беш аз 70 давлат дар Душанбе дар назар аст, сокинон ва меҳмонони дигари пойтахти кишварро аз имкони рафтуомади озод дар роҳҳои асосии он маҳрум кардааст.
Дар наворе, ки хабарнигорони “Озодагон” 19-уми август, аз кӯчаҳои марказии Душанбе гирифтаанд, ронандагону мусофирон соатҳо дар роҳбандон дармондаанд ва ин ҳолат имрӯз, 20-уми август низ ҷой дорад.