«Танҳоӣ»-и Орзу Исоев ва Шабнами Сурайё
Дар интернет як клипи Шабнам Сурайё ба сайр даромад. Он бар матни суруди «Танҳоӣ» наворбардорӣ шудааст.
Матни тарона аз Орзу Исоев буда, онро Даврони Раҳматзод оҳанг бастааст. Ин клипро, ки бо истифода аз ороишоти компютерӣ сохта шудааст, нахуст торнамои saazoawaaz. сom муаррифӣ кард.
Шабнами Сурайё, духтари бузурги Сурайёи Қосим буда, соли 2004 рӯи саҳна омад. Шуҳрати бештарро Шабнами Сурайё дар соли 2006 баъди иҷрои як қатор дуэтҳо бо Парвина Шукруллоева, Ҷонибек Муродов, Баҳром Ғафурӣ, Суҳроби Сафарзод ва Садриддини Наҷмиддин соҳиб шуд.
Шабнами Сурайё соли 2007 сафири ихтиёрии СММ дар Тоҷикистон таъин гардида, барои рушди барномаи СММ оид ба СПИД ҳамкорӣ мекунад.