баргард
чоп кардан
Тими наврасони Тоҷикистон ғолиби “Ҷоми Дӯстӣ-2013”
Мунтахаби наврасони Тоҷикистон оид ба футбол (U-16) барандаи сабқати ҷаҳонии “Ҷоми Дӯстӣ-2013”гардид.
Ин мусобиқа, ки дар Қирғизистон ҷараён дошт, имрӯз, 7-уми август анҷом ёфт. Яккачини наврасони Тоҷикистон, ки зери раҳбарии тренери ҷопонӣ Чикаши Сузуки ба ин сабқат рафта буданд, дар ҳамаи се дидор дастболо шуд.
Нахуст футболбозони навраси тоҷик 3-юми август ба дарвозаи мизбонон – Қирғизистон 7 туб зада,танҳо ду гол сар доданд. 5-уми август бошад, тими мунтахаби Тоҷикистон бо ҳисоби 5:0 яккачини Озорбойҷонро шикаст дод. Дар охирин дидор, 7-уми август футболбозони навраси тоҷик бо тими Белорус ба майдон баромада ва бо ҳисоби 1:0 ғалаба карданд. Голи ягонаи бозиро Рустам Толибов дар дақиқаи 75-уми бозӣ ба нишон расонд.
Ногуфта намонад, ки Рустам Толибов, ҳамлагари мунтахаби наврасони Тоҷикистон беҳтарин бозигари мусобиқа эътироф шуд. Худойдод Узоқов, бозигари тими “Вахш”- Қӯрғонтеппа унвони беҳтарин ҳамлагарро гирифт.
Мақоми дуюмро дар “Ҷоми Дӯстӣ-2013” мизбонҳо гирифтанд. Зинаи сеюм насиби тими наврасони Озорбойҷон шуд. Тибқи қавонини мусобиқа сабқати ояндаи “Ҷоми Дӯстӣ” дар кишвари ғолиби он, яъне Тоҷикистон баргузор мешавад.
Акс аз торнамои ФФТ
Ин мусобиқа, ки дар Қирғизистон ҷараён дошт, имрӯз, 7-уми август анҷом ёфт. Яккачини наврасони Тоҷикистон, ки зери раҳбарии тренери ҷопонӣ Чикаши Сузуки ба ин сабқат рафта буданд, дар ҳамаи се дидор дастболо шуд.
Нахуст футболбозони навраси тоҷик 3-юми август ба дарвозаи мизбонон – Қирғизистон 7 туб зада,танҳо ду гол сар доданд. 5-уми август бошад, тими мунтахаби Тоҷикистон бо ҳисоби 5:0 яккачини Озорбойҷонро шикаст дод. Дар охирин дидор, 7-уми август футболбозони навраси тоҷик бо тими Белорус ба майдон баромада ва бо ҳисоби 1:0 ғалаба карданд. Голи ягонаи бозиро Рустам Толибов дар дақиқаи 75-уми бозӣ ба нишон расонд.
Ногуфта намонад, ки Рустам Толибов, ҳамлагари мунтахаби наврасони Тоҷикистон беҳтарин бозигари мусобиқа эътироф шуд. Худойдод Узоқов, бозигари тими “Вахш”- Қӯрғонтеппа унвони беҳтарин ҳамлагарро гирифт.
Мақоми дуюмро дар “Ҷоми Дӯстӣ-2013” мизбонҳо гирифтанд. Зинаи сеюм насиби тими наврасони Озорбойҷон шуд. Тибқи қавонини мусобиқа сабқати ояндаи “Ҷоми Дӯстӣ” дар кишвари ғолиби он, яъне Тоҷикистон баргузор мешавад.
Акс аз торнамои ФФТ