баргард
чоп кардан
Баъд аз бозпурсӣ... Устоди 64-сола худро ба дарёи Сир партофт
Ҷаннат Усмонова, мудири кафедраи забон ва адабиёти рус дар Коллеҷи омӯзгории Донишгоҳи давлатии Хуҷанд, баъд аз бозпурсии маъмурони Оҷонси зиддифасод худро ба дарёи Сир андохтааст.
Ҷасади ин устоди 64-соларо танҳо баъд аз дуним рӯзи беному нишон шуданаш аз ноҳияи Спитамен (шохоби дарёи Сир) пайдо кардаанд.
Бино ба нақли наздикону ҳамкорони Ҷаннат Усмонова, ӯ рӯзи сешанбе ва чаҳоршанбеи гузашта (25-26 июн) мавриди бозпурсии маъмурони Оҷонси зиддифасод қарор гирифта, шаби панҷшанбе (27 июн) аз хона берун рафтаву дигар барнагаштааст. Ҷасади Усмоноваро рӯзи 29 июн ёфта ва рӯзи 30 июн ба хок супурдаанд.
Ҳамкорону наздикони Ҷаннат Усмонова мегӯянд, далели худкушии ӯро намедонанд. Вале ба ин назаранд, ки зоҳиран бозпурсии маъмурони Оҷонси зиддифасод ӯро ба ин кор водор намудааст.
Аммо мақомоти Оҷонси зиддифасод дар Хуҷанд ин ҳодисаро шарҳ надодаанд ва то ҳол маълум нест, ки чаро Ҷаннат Усмонова мавриди бозпурсӣ қарор гирифта буд.
Ҷасади ин устоди 64-соларо танҳо баъд аз дуним рӯзи беному нишон шуданаш аз ноҳияи Спитамен (шохоби дарёи Сир) пайдо кардаанд.
Бино ба нақли наздикону ҳамкорони Ҷаннат Усмонова, ӯ рӯзи сешанбе ва чаҳоршанбеи гузашта (25-26 июн) мавриди бозпурсии маъмурони Оҷонси зиддифасод қарор гирифта, шаби панҷшанбе (27 июн) аз хона берун рафтаву дигар барнагаштааст. Ҷасади Усмоноваро рӯзи 29 июн ёфта ва рӯзи 30 июн ба хок супурдаанд.
Ҳамкорону наздикони Ҷаннат Усмонова мегӯянд, далели худкушии ӯро намедонанд. Вале ба ин назаранд, ки зоҳиран бозпурсии маъмурони Оҷонси зиддифасод ӯро ба ин кор водор намудааст.
Аммо мақомоти Оҷонси зиддифасод дар Хуҷанд ин ҳодисаро шарҳ надодаанд ва то ҳол маълум нест, ки чаро Ҷаннат Усмонова мавриди бозпурсӣ қарор гирифта буд.
