Дар бозори «Шоҳмансур»-и пойтахт воқеъ дар кӯчаи Лоҳутӣ 12, ошхона ва толори саққобозӣ дар масоҳати 300 метри мураббаъ оташ гирифтаанд.
Тибқи иттилои расида аз вазорати умури дохила сӯхтор нимашаби 9-уми май, соати 02.48 ба вақти Душанбе ба вуқӯъ пайвастааст. Сабабҳои сар задани оташсӯзӣ ва хисороти воридгардида айни замон таҳқиқ мешаванд.
Ёдрас менамоем, як чунин сӯхтор 10-уми октябри соли 2008 дар бозори мазкур, дар толори фурӯшгоҳи мавсум ба «Наргис» сар зада, хисороти ҳангуфти молиро дар пай дошт. Масоҳати оташсӯзии он замон майдони 1800 метри мураббаъро дар бар мегирифт.