Зилзилаи 5-балла марзи Тоҷикистону Афғонистонро ларзонд
Соати 10:22-и рӯзи 24-уми май дар марзи Тоҷикистону Афғонистон заминларзаи 5-балла ба қайд гирифта шудааст.
Масъулини Пажуҳишгоҳи зилзилашиносии Тоҷикистон дар суҳбат бо “Озодагон” иқтидори заминларзаро аз рӯи ҷадвали аврупоӣ 5 балл ва аз рӯи ҷадвали рихтерӣ 4,4 балл арзёбӣ намуданд. Маркази заминларза дар марзи Афғонистону Тоҷикистон буда, дар марказ 5 балл ва дар ҳудуди Тоҷикистон 3,5-4 баллро ташкил додааст.
Ба гуфтаи мақомоти тоҷик ин заминларза хисороти молию ҷонӣ дар пай надоштааст.