Футбол: “Парвоз” бо “Истиқлол” ва “Регар-ТадАЗ” бо “Хайр” рақобат мекунанд
Бозиҳои даври 7-уми мусобиқаи қаҳрамонии Тоҷикистон миёни дастаҳои лигаи олӣ баргузор мегардад.
Имрӯз, 17-уми май “Равшан”-и Кӯлоб дар варзишгоҳи марказии Истаравшан бо дастаи “Истаравшан” бозӣ мекунад.
Се бозии дигари даври 7-ум рӯзи шанбеи 18-уми май доир мегардад. Дастаҳои “Регар-ТаАЗ”-и Турсунзода ва “Хайр”-и Ваҳдат дар варзишгоҳи “Металлург”-и шаҳри Турсунзода миёни ҳам қувваозмоӣ мекунанд. Дастаи ССКА “Помир”-и Душанбе дар майдони худ бо дастаи “Панҷшер”-и Ҷалолиддини Румӣ ба сабқат мебарояд.
Дастаҳои “Хуҷанд”-“Вахш” дар варзишгоҳи “20-солагии истиқлолияти Тоҷикистон” вомехуранд. Тимҳои “Парвоз” ва “Истиқлол” дар варзишгоҳи “Фурудгоҳ”-и Бобоҷон Ғафуров қувва меозмоянд.
Дастаҳои “Хайр” ва “Равшан” рӯзи 22-уми май дар варзишгоҳи “Хайр”-и шаҳри Ваҳдат бозии мавқуфгузоштаи даври якуми мусобиқаи лигаи олиро анҷом медиҳанд.