Низомиён барои Ҷоми вазири мудофиа мубориза мебаранд
Хизматчиёни ҳарбии ҷузъу томҳои гарнизони Душанбеву Хатлон ва Суғду Бадахшон барои дарёфти Ҷоми Вазири мудофиа, Шерали Хайруллоев миёни ҳам мубриза мебаранд.
Тавре аз Вазорати мудофиа ба хабаргузории “Озодагон” иттилоъ доданд, мусобиқаи мазкур аз рӯи намудҳои вазнбардорӣ, дастхобонӣ, бандкашӣ, гуштини миллӣ, бокс, ҷаҳидан, давидан аз масофаи ҳазор то се ҳазор метр гузаронида мешавад.
Гуфта мешавад, ки мусобиқаи мазкур барои рушду нумӯъ додани риштаи варзиш дар миёни хизматчиёни ҳарбӣ заминаи устувор мегузорад. Ташкили мусобиқаҳои варзишӣ миёни сарбозони қисмҳои низомии тобеи Вазорати мудофиа, бори нахуст набуда, ҳамасола дар доираи нақшаю чорабиниҳои гуногун, мусобиқаҳои ҳарбӣ-варзишӣ, баргузор карда мешавад.
Даври ниҳоии мусобиқаи мазкур фардо, 17-уми май ҷамбаст мешавад ғолибон бо тӯҳфаҳои хотиравӣ қадр карда мешаванд.