14 июл 2014 09:21Тоҷикистон / Иқтисодӣ / Акс

Маркази савдои 40 миллион долларӣ дар Душанбе (АКСУ ВИДЕО)

То ду моҳи дигар дар Душанбе маркази нави тиҷорие ба фаъолият хоҳад пардохт, ки дар кӯчаи Меҳнати шаҳри Душанбе воқеъ буда, бо 194 миллион сомонӣ, муодили тақрибан 40 миллион доллар, бунёд шудааст.

Муҳаммадӣ Саъдуллоев, як масъули Раёсати сохмони асосии Душанбе, дар сӯҳбат бо хабарнигори “Озодагон” гуфт, маблағи ин сохтмон аз буҷаи шаҳрдорӣ буда, сохтмонаш аз 6 марҳила иборат мебошад. “Ин маркази нави савдо дар масоҳати 16 ҳазор метри мураббаъ ҷойгир буда, баробари ба кор шурӯъ кардан беш аз 900 нафарро бо ҷои кор таъмин хоҳад кард”,-афзуд ӯ.

Саид Икромов, директори ҶДММ “Строй-Комплекс”, ки аз рӯи шартномаи онҳо бо Раёсати сохмони асосии шаҳри Душанбе иншооти мазкур бояд то охири моҳи августи соли ҷорӣ супорида шавад, мегӯяд, “корҳои асосии бино ба итмом расида, корҳои васлкунии таҷҳизот ва рангу бораш мондааст”. Ба қавли Саид Икромов, дар кори сохтмони маркази тиҷорӣ зиёда аз 400 нафар кор карда, маошашон аз 2 ҳазор то 3 ҳазору 300 сомониро ташкил медодааст.

“Масолеҳи сохтмонӣ барои иншоот аз Туркия, Русия, Чин ва аз худи кишвар харидорӣ мешавад. Бинои асосии иншоот иборат аз се ошёна буда, инчунин, дар назди он як бинои якошёнаи дигари тобистона сохта мешавад, ки барои маҳсулоти тару тозаи тобистона, яъне савдои беруна нигаронда шудааст. Дар назди бино таваққуфгоҳи мошинҳои сабукрав ва боркаш ба истифода дода мешавад”,-илова кард Саид Икромов.

Мӯҳр

Хабарҳои монанд:

Юсуф

Адам Смит,
Агар иқтисодчии хуб бошад ҳам, гапи ӯро кӣ гӯш мекунад? Устод Ҳоҷимуҳаммад Умаров магар мутахассиси бад аст? Дигарон низ зиёданд. Соҳиби ин маркази савдо ба монанди Садбарг, Султони Кабир, Корвон ягон мафиоз хоҳад буд. Ҳар 1 метри мағозаро 8 ҳазор $ ба иҷора дода, аз даромади ҳангуфти марказ моҳона 3 (се) сомонии рамзӣ андози давлатӣ пардохта мешавад. Касе медонад, соҳиби роҳи пулакии Душанбе-Хуҷанд аз они кист ва ба хазинаи давлат чӣ қадар андоз месупорад? Инаш ҳам ҳамин хел мешавад! Дар ҳоле ки 1.5 то 2 млн. одам дар муҳоҷирати меҳнатӣ азият мекашанд, 900 ҷойи кор қатрае аз баҳр аст! Ҳеҷ ҷойи таъриф нест!

Ҷавоб диҳед Иқтибос Шикоят

Сафарали

Аз берун ин марказ бинои маъмурии давраи хизби коммунисти шуравиро мемонад. Холо дунё пеш рафтааст ва бо нисфи он маблаг метавонистанд сохтмони зеботар ва замонавиро сохт. Хайр чи илоч, точики кардаанд.

Ҷавоб диҳед Иқтибос Шикоят

azizullo

dar tojikiston yagona halli roh az in purmashaqqat muhojiratu tangdasti ba sarı hukumat podshoi odil biyoyad bad tojikiston obod meshavad.

Ҷавоб диҳед Иқтибос Шикоят

Эзоҳ илова кунед