07 июн 2014 13:51Тоҷикистон / Иҷтимоӣ

Баъд аз амри вазир ҳолатҳои боздошти танфурӯшу даллаҳо афзудааст

Баъд аз амри Рамазон Раҳимзода, вазири умури дохилии Тоҷикистон, дар ду рӯзи пеш мақомоти пулис ҳарчи бештар дар бораи ошкор шудани ҳолатҳои таҷовуз ба номуси ноболиғон, фоҳишагарӣ ва даллагию бадахлоқии сокинон хабар медиҳанд. Ҷаноби Раҳимзода рӯзи 5 июн бо баргузории ҷаласаи фаврӣ аз афзоиши фоҳишагарию даллагӣ дар кишвар изҳори нигаронӣ намуда, дастур дода буд, барои ҷилавгирии фаҳшу фасод рейдҳои махсус роҳандозӣ шаванд.

Танҳо дар нимаи аввали рӯзи шанбе, 7 июн, торнамои расмии Вазорати умури дохилӣ аз се ҳолати боздошти даллаву нафаре, ки ба номуси духтари ноболиғ таҷовуз кардааст ва як бадахлоқ дар Душанбе хабар дод. Бино ба иттилои торнамои ВУД, рӯзи 6 июн як сокини ноҳияи Синои шаҳри Душанбе ба иттиҳоми ташкили фоҳишахона боздошт шудааст. “Б.С. манзили худро ба фоҳишахона табдил дода, ба шаҳрвандон - Ҳ.З., С. Б., И.Х. ва М.Р., сокинони Ҳисор, Файзобод ва Тавилдара барои алоқаи ҷинсӣ шароит фароҳам овардааст”,-менависад сайти Вазорати умури дохилӣ. Дар идома таъкид шудааст, Б.С. ба ивази ин кораш аз сокинони Файзободу Ҳисор ва Тавилдара 100 сомонӣ гирифтааст.

Инчунин, ба иттилои манбаъ, ҳангоми гузарондани чорабинии фаврӣ-ҷустуҷӯӣ П.Ҳ.-и 18 сола, сокини ноҳияи Вахш, ҳамчун гумонбар барои алоқаи ҷинсӣ ва дигар ҳаракатҳои дорои хусусияти шаҳвонидошта бо нафаре, ки ҳанӯз ба синни 16 нарасидааст, боздошт гардидааст. Бар асоси иттилои мақомот, гумонбаршуда моҳи апрели соли 2014 дар дохили боғи фарҳангии ба номи Мирзо Турсунзода бо ноболиғ Д.С., соли таваллудаш 1998, алоқаи ҷинсӣ намудааст.

Маъмурони пулис мегӯянд, дар пайи гузаронидани чорабинии фаврӣ-ҷустуҷӯӣ боз як сокини шаҳри Душанберо барои ҳаракатҳои бадахлоқонааш дастгир намудаанд. Тибқи иттилои манбаъ, А.Д.-и 30 сола, сокини ноҳияи Мӯъминобод, рӯзи панҷуми июн дар ҳолати мастӣ ба хонаи Б.А., ки бо фарзандони ноболиғаш зиндагӣ мекунад, ворид шуда, ба хонаи хоби ноболиғон даромадааст: “Дидаю дониста бо фарзанди соҳибхона Р.Г., ки ба синни 14 нарасидааст, ҳаракатҳои бадахлоқона анҷом додааст”.

Як рӯз пештар мақомоти умури дохилӣ аз боздошти посбони 19-солаи осоишгоҳи “Самиг”-и ноҳияи Ваҳдат хабар доданд, ки барои робитаи ҷинсии се нафар шароит фароҳам кардааст.

Мӯҳр

Хабарҳои монанд:

Садриддин

Икдоми нек ! Аслан аввал тартибу низомро дар дискотекахою тарабхонахо бояд чори намуд ! Аз зани точик ки ояндаи миллатро меофарад, фардо чи насле мебарояд? Онхое ки чавондухтаронро аз рох мебароранд бояд дар расонахо ошкор гарданд то дар назди мардум русиёх гарданд !

Ҷавоб диҳед Иқтибос Шикоят

Латофат

Салом ба хама хонандагони ин сахифа...Хуб мешуд хукумати ЧТ якум конуне руйи кор меовард, ки мазмунаш чунин мебуд....Марде, ки оилаашро талок медихад бояд 50 000 ( панчох хазор доллар) доллар чарима супорад....Баъдан чунин (амалиётхоро) рейдхоро гузаронанд...Ана бад мебинем, ки олам гулистон мешавад...Дигар на талок мешаваду на берохагии занон...Кош чунин мешуд....

Ҷавоб диҳед Иқтибос Шикоят

Душанбе аз мани

Латофат,
Молодец Латофат барои конуни нав пешниходи кардагит!!!!

Ҷавоб диҳед Иқтибос Шикоят

мухочир

Во ачабо, акнун кормандони полису пракуратура кихоро кришават мекарда бошанд???

Ҷавоб диҳед Иқтибос Шикоят

Санои

Имрузхо на факат фохишагари балки аз ин бад, никохи хамчинси дар чомеаи мо пайдо шудаасту, касе оиди ин харф намезанад, аммо пешвохои дин ки барои тарбияи мардум, махсус чавонон буданд, дахонпуш карда шуда, бархеашро кушта ва зиндони кардан, аммо чаро имруз ба ин корхо назар намекунанд??? Гуё амри маъруф ва суханхои Худо ва расулро гуфтанд ба чамъият халам меовардаасту, аммо корхои шайтони не???

Ҷавоб диҳед Иқтибос Шикоят

Эзоҳ илова кунед